21 снежня моладзь з мястэчка Беняконі (Воранаўскі раён) прывезла ў Мінск сена, нарыхтаванае з тых палёў, па якіх Адам бегаў у дзяцінстве. А 24 снежня каля помніка Адаму Міцкевічу адбудзецца тэатральная пастаноўка.
24 снежня, у 210‑ю гадавіну з дня нараджэння славутага беларускага паэта Адама Міцкевіча, адбудзецца сустрэча духавенства, прадстаўнікоў дзяржаўнай улады, дыпламатычных місій і вернікаў, каля помніка Адаму Міцкевічу ў сталічным скверы.
А 12 гадзіне ў касцёле святых Сымона і Алены адбудзецца святая Імша, якую ўзначаліць Дапаможны біскуп Мінска‑Магілёўскай архідыяцэзіі Антоні Дзям’янка.Сёлета каля манумента Адаму Міцкевічу студэнты Беларускага дзяржаўнага інстытута культуры прадставяць тэатральную пастаноўку.Пасля Эўхарыстыі яе ўдзельнікі накіруюцца ў працэсіі са знічамі да помніка.
Па традыцыі адбудзецца дэкламацыя вершаў паэта на беларускай, рускай і польскай мовах.З прамоваю выступяць прадстаўнікі мясцовых уладаў і дыпламатычных місій. Плануецца, што ў сустрэчы будуць прымаць удзел прадстаўнікі пасольстваў Польшчы, Чэхіі, Украіны, Літвы, Турцыі і інш.
Біскуп Антоні Дзям’янка правядзе кароткую малітву і асвеціць аплаткі, пасля чаго будзе магчымасць павіншаваць адно аднаго са святам Божага Нараджэння.
21 снежня моладзь з мястэчка Беняконі (Воранаўскі раён) прывезла ў Мінск сена, нарыхтаванае з тых палёў, па якіх Адам бегаў у дзяцінстве. Сена было ўрачыста перададзена ў рукі Мітрапаліта Тадэвуша Кандрусевіча. Землякам паэта арцыбіскуп скіраваў сваё духоўнае прывітанне.
0
0
0
0
0
0
