Група Bellingcat паведаміла, што сапраўднае імя трэцяга падазраванага ў замаху на Скрыпалёў, меркаванага супрацоўніка ГРУ «Сяргея Фядотава» — Дзяніс Сяргееў.
Раней пра Фядотава паведамлялася, што некалькі гадоў таму ён нібыта спрабаваў атруціць балгарскага прадпрымальніка Емяльяна Гебрава з дапамогай атрутнага рэчыва класа «Навічок».
Сяргееў — высокапастаўлены супрацоўнік ГРУ ў мінімальным званні палкоўніка (а магчыма і генерал-маёра). Ён нарадзіўся ў 1973 годзе ў Казахстане. Скончыў элітную Вайскова-дыпламатычную акадэмію, шырока вядомую ў Расіі як «Кансерваторыя ГРУ».
Таксама паведамляецца, што мужчына жанаты, мае дарослую дачку.
0
0
0
0
0
0
