mil.by
Сёння ў Палацы Рэспублікі прайшоў брыфінг начальніка Дэпартамента міжнароднага ваеннага супрацоўніцтва Міністэрства абароны — памочніка міністра абароны па пытаннях міжнароднага ваеннага супрацоўніцтва генерал-маёра Алега Воінава з ваеннымі аташэ, акрэдытаванымі пры Мінабароны, паведамляе прэс-служба ведамства.
Прысутных аташэ пазнаёмілі з асноўным зместам удакладненай Канцэпцыі міжнароднага ваеннага супрацоўніцтва на 2019—2023 гады, у рамках якой:
— пацверджаны стратэгічны курс на партнёрства з Расеяй;
— захоўваецца нацэленасць на высокі ўзровень адносінаў з краінамі-членамі АДКБ, Кітаем і краінамі СНД;
— перспектыўным напрамкам вызначана ўзаемадзеянне ў рамках Шанхайскай арганізацыі супрацоўніцтва і асаблівая ўвага нададзена адносінам з Сербіяй;
— у асобны блок вылучаныя пытанні фарміравання «пояса добрасуседства»;
— прадэкларавана неабходнасць паэтапнага паляпшэння адносінаў з краінамі — членамі НАТА, ЕС, іншымі дзяржавамі, якія паважліва ставяцца да суверэнітэту і тэрытарыяльнай цэласнасці беларускай дзяржавы, развіваюць даверны і раўнапраўны дыялог, гаворыцца ў паведамленні прэс-службы.
