«Я хацеў размясціць на сайце Praca.by сваё рэзюме «Выкладчык польскай мовы», запоўніў яго, выслаў, — напісаў нам чытач «Нашай Нівы», жыхар Польшчы Бартлумей Ванат, — і атрымаў такое паведамленне:
Пераклалі ўсё на іншую мову, але нават гэтага не ўмелі зрабіць правільна… І змянілі маю жаданую прафесію. Вы лепш за мяне ведаеце, кім я хачу працаваць?» — абураецца Бартлумей Ванат.
Бартлумей Ванат — сілезец. Ён паліглот, у тым ліку чытае і піша па-беларуску.
* * *
Ад рэдакцыі: Характэрна, што сайт змяніў рэзюме, бо яно парушала правілы партала. Сапраўды, калі прачытаць правілы размяшчэння вакансій і рэзюме Praca.by, можна пабачыць такое правіла 2.1.
«Да размяшчэння на Сайце прымаюцца аб'явы на рускай або англійскай мове з выкарыстаннем пры наборы тэкстаў рускай/англійскай раскладкі клавіятуры. Замежная мова выкарыстоўваецца ў аб'явах ў выпадках, вызначаных заканадаўствам РБ аб рэкламе».
Такім чынам, беларускі партал з беларускай назвай Praca.by фактычна ўспрымае беларускую мову як замежную.
