У ЗША трохразовая чэмпіёнка свету па веласпорце на трэку Кэлі Кэтлін скончыла жыццё самагубствам. Спартсменцы было 23 гады, паведамляе выданне VeloNews.
Па словах бацькі дзяўчыны Марка Кэтліна, цела велагоншчыцы знайшлі ў яе дома ў штаце Каліфорнія. Абставіны і прычыны смерці не паведамляюцца.
Інфармацыю пра смерць спартсменкі пацвердзіў старшыня федэрацыі веласпорту ЗША Боб Дэмарціні. «Для яе родных і блізкіх наступіла неімаверна цяжкі час, мы хочам, каб іх права на недатыкальнасць асабістага жыцця паважалася», - дадаў ён.
Кэлі Кэтлін атрымлівала залатыя медалі каманднай гонцы ў жаночым разрадзе на чэмпіянатах свету ў 2016, 2017 і 2018 гадах. На Алімпіядзе ў Рыа-дэ-Жанейра 2016 года яна ў складзе зборнай ЗША ўзяла срэбра.
0
0
0
0
0
0