Жыхар вёскі Арэхаўна на Ушаччыне закідаў хату суседкі петардамі, пасля таго як жанчына адмовілася ўпусціць да сябе ноччу п'яных гасцей, паведамляе міліцыя.
Двое маладых жыхароў вёскі выпілі, а потым адправіліся ў госці да суседкі. Але гаспадыня адмовілася іх упускаць.
Адзін з сяброў з гэтым змірыўся, а другі вырашыў адпомсціць жанчыне. Дастаў петарду і засунуў яе ў акно хаты. Ад выбуху піратэхнікі з рамы вылецела адна шыба. Другая шыба вытрымала напор ударнай хвалі. Тады хлопец узяў камень, разбіў акно і закінуў у дом яшчэ адну петарду.
Жанчына патэлефанавала ў міліцыю. Супраць хлопца распачалі крымінальную справу за хуліганства.
0
0
0
0
0
0