Дэпутаты Палаты прадстаўнікоў прынялі законапраект аб ратыфікацыі міжурадавага пагаднення аб узаемнай адмене віз з Федэрацыяй Сент-Кітс і Невіс.
Гэта астраўная дзяржава ў Карыбскім моры. Раней яна была брытанскай калоніяй, а цяпер уваходзіць у Брытанскую садружнасць як незалежная краіна, паведамляе Office.Life.
Федэрацыя двух астравоў зарабляе на афшорным банкаўскім абслугоўванні. Таксама шэраг кампаній прапаноўваюць пасрэдніцкія паслугі па атрыманні грамадзянства гэтай краіны ўзамен на інвестыцыі.
Пагадненне дазволіць беларускім грамадзянам прыязджаць на астравы без візы на тэрмін да 30 дзён за адну паездку. Час знаходжання на тэрыторыі федэрацыі не павінен перавышаць 90 дзён на год. Тое ж будзе дзейнічаць у Беларусі для грамадзян Сент-Кітс і Невіс.
