vk.com
Анатоль Савянок пакінуў пасаду гендырэктара Беларускага металургічнага завода. Пра гэта TUT.BY паведамілі інфармаваныя крыніцы і пацвердзілі на самім прадпрыемстве.
Па словах суразмоўцы, «з гендырэктарам рассталіся па пагадненні бакоў».
Напярэдадні сваёй адстаўкі Анатоль Савянок накіраваў ліст сваім падначаленым і кліентам ды падзякаваў за сумесную працу. «Разам мы ўвасаблялі ў жыццё амбіцыйныя праекты, вырашалі вельмі складаныя праблемы, радаваліся агульным перамог. Мы абменьваліся ведамі і вучыліся адзін у аднаго. І я ўдзячны за гэтую магчымасць», — напісаў Савянок.
Аднак, паводле яго слоў, «жыццё рухаецца наперад, адкрывае новыя перспектывы».
Анатоль Савянок прапрацаваў на жлобінскім заводзе амаль 30 гадоў. У 1989 годзе ён прыйшоў на прадпрыемства на пасаду травільшчыка-гальваніка. Потым быў майстрам, старшым майстрам, намеснікам начальніка цэха, начальнікам сталядротавага цэха № 2, дырэктарам па метызнай вытворчасці. З 14 кастрычніка 2009 года — генеральны дырэктар БМЗ.
