yle.fi
Зборная Фінляндыі стала першым фіналістам чэмпіянату свету па хакеі. Сёння фіны выбілі Расію — 1:0.
Зборная Фінляндыі складаецца пераважна з хакеістаў, што гуляюць у нацыянальным чэмпіянаце, палова гульцоў ніколі не гуляла ў юніёрскіх і маладзёжных зборных, толькі двое з НХЛ. Іх капітан Марка Анціла, што закінуў сёння адзіную шайбу, выступае за «Ёкерыт»
Фінская прэса піша пра іх так: «Каманда без імёнаў стала зборнай з гучным імем». У чвэрцьфінале Фінляндыя выйграла ў авертайме ў Швецыі — 5:4
А расіян называлі галоўным фаварытам ЧС.
У фінале фіны згуляюць з Канадай, што без праблем разабралася з Чэхіяй — 5:1.
Фінал пройдзе ў нядзелю. Апошні раз Фінляндыя станавілася чэмпіёнам свету ў 2011 г. Тады чэмпіянат таксама праходзіў у Славакіі і трэнерам таксама быў Юка Яланен.
