Паўночнакарэйскае агенцтва KCNA паведаміла пра аматарскі канцэрт, які зладзілі жонкі афіцэраў арміі КНДР, паведамляе агенцтва Reuters. Паказвалася, што сярод гасцей свята быў лідар краіны Кім Чэн Ын, а таксама некалькі высокапастаўленых чыноўнікаў, у тым ліку і Кім Ён Чхоль, які ўдзельнічаў у падрыхтоўцы і правядзенні перамоваў з Дональдам Трампам.
Тым самым KCNA абвергла паведамленне паўднёвакарэйскай газеты Chosun Ilbo, якая напісала, што Кім Ён Чхоль быў разжалаваны і адпраўлены ў працоўны лагер для перавыхавання, а яшчэ адзін удзельнік перамоў Кім Хек Чхоль быў пакараны смерцю разам з яшчэ трыма дыпламатамі.
Афіцыйна інфармацыю Chosun Ilbo ніхто пацвердзіць не змог. Дзяржаўны сакратар ЗША Майк Пампеа на пытанне, ці меў кантакты ён з Кім Ён Чхолем у апошні час, заявіў, што не мае намеру выдаваць падрабязнасці перамоваў.
