Як стала вядома CityDog.by, гіпермаркет «Еўраопт» у ГЦ «Е-сіці» на Дзянісаўскай спыняе сваю працу ў панядзелак.
У канцы мая гэтага года стала вядома, што «Тытунь-Інвест» (брэнд «Карона») выкупіў у ТАА «Еўрагандаль» будынак гандлёвага цэнтра «Е-сіці» на Дзянісаўскай. Арыенціровачная сума ўгоды, па дадзеных belretail.by, склала 43 млн даляраў. Мяркуючы па ўсім, гандлёвы цэнтр цяпер будзе называцца «Карона сіці».
Супрацоўнікі «Еўраопт-гіпера» неафіцыйна пацвердзілі, што на месцы «Еўраопта» адкрываецца «Карона», аднак дакладныя даты адкрыцця назваць не змаглі. Як растлумачылі ў інфармацыйным пункце, сам гандлёвы цэнтр «Е-сіці», дзе размяшчаўся ў тым ліку гіпер, «пакуль будзе працаваць» у ранейшым рэжыме.
0
0
0
0
0
0
