Помнік у фарбе. Фота з сацсеткі «Укантакце».
У тэксце прысуду, які маецца ў распараджэнні праваабарончай групы, сказана, што ўкраінец гэта здзейсніў «па матывах палітычнай нянавісці», выкліканай непрызнаннем акупацыі Крыма.
Прысуд Вольга Чэпель вынесла 17 красавіка 2019 года, але інфармацыю пра гэта праваабаронцы атрымалі толькі цяпер.
Украінца прызналі вінаватым у здзяйсненні злачынства, прадугледжанага ч. 2 арт. 214 КК РФ (вандалізм), і прызначылі пакаранне ў выглядзе шасці месяцаў пазбаўлення волі з адбываннем пакарання ў калоніі-пасяленні.
У дакуменце таксама ўказана, што Сакуранка не прызнаў сваёй віны і ў судовым пасяджэнні заявіў пра сваё нежаданне атрымліваць расійскі пашпарт.
Жыхара Крыма Максіма Сакуранку затрымалі ноччу 28 студзеня 2019 года пасля таго, як ён абліў чырвонай фарбай помнік у Сімферопалі расійскім вайскоўцам, што ўдзельнічалі ва ўзброенай акупацыі Крыма.
