Савет Рэспублікі сёння на пасяджэнні ўхваліў законапраект «Аб змяненні законаў эфектыўнага функцыянавання ваеннай арганізацыі дзяржавы». У законапраекце прадугледжана, што адтэрміноўка ад прызыву для працягу навучання ў Беларусі будзе давацца толькі адзін раз, перадае БелТА.
Прадстаўляючы законапраект сенатарам, міністр абароны Андрэй Раўкоў канстатаваў, што Узброеныя Сілы маюць цяжкасці з камплектаваннем асабовага складу. Звязана гэта як з дэмаграфічнай сітуацыяй, пагаршэннем здароўя юнакоў, так і з існаваннем вялікага ліку адтэрміновак ад войска.
Законапраект прадугледжвае, што адтэрміноўку ад прызыву для працягу адукацыі ў Беларусі будуць даваць толькі раз. Калі студэнт ужо выкарыстаў адтэрміноўку, яму будзе прадастаўлены акадэмічны адпачынак на службу ва Узброеных Сілах. Усе адтэрміноўкі, якія былі прадастаўленыя да ўступлення ў сілу законапраекта, будуць дзейнічаць.
Акрамя таго, праектам прадугледжана, што тых, хто ўхіліўся ад войска, не будуць браць на дзяржаўную службу і ў сілавыя структуры.
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары