Мінабароны абвяргае чуткі пра нібыта спробу самагубства вайскоўца адной з частак Слонімскага гарнізона.
Раней пра такую спробу паведаміў Nexta.
«Камандаваннем вайсковай часткі праводзіцца праверка на прадмет выяўлення наяўнасці падстаў для завядзення крымінальнай справы ў дачыненні да вайскоўца тэрміновай ваеннай службы ў сувязі з наўмысным прычыненнем сабе цялеснага пашкоджання. Вайсковец дэманстратыўна нанёс сабе некалькі драпін рук, якія не нясуць небяспекі для жыцця», — адзначае Мінабароны.
Ведамства нагадвае, што ўхіленне ваеннаслужачага ад нясення абавязкаў воінскай службы шляхам наўмыснага прычынення сабе цялеснага пашкоджання або сімуляцыі захворвання караюцца пазбаўленнем волі на тэрмін да сямі гадоў.
0
0
0
0
0
0