У берасцейца з дзіцячай каляскі ў пад'ездзе знік кашалёк з грашыма, які ён выпадкова пакінуў там пасля вячэрняй прагулкі з дзіцем. Адсутнасць кашалька ён заўважыў толькі раніцай. Злодзея знайшлі незвычайным спосабам, паведамляе Дзяржаўны камітэт судовых экспертыз.
Спачатку доказаў выявіць не ўдалося. Аднак затым была знойдзена ўпакоўка ад семачак. На момант крадзяжу яна знаходзілася ў дзіцячай калясцы побач з кашальком.
Аказалася, што адбіткі пальцаў на ўпакоўцы належалі 38-гадоваму жыхару Жабінкаўскага раёна. Мужчыну затрымалі. Частку выкрадзенага канфіскавалі.
Завялі крымінальную справу па артыкуле «Крадзеж».
0
0
0
0
0
0
