Улады Паўднёвай Карэі паабяцалі Расіі больш жорсткія меры, калі яе самалёты зноў парушаць паветраную прастору краіны, паведамляе агенцтва «Ёнхап».
Кіраўнік упраўлення нацыянальнай бяспекі Карэі падчас размовы з сакратаром Рады бяспекі Расіі Мікалаем Патрушавым папярэдзіў Маскву аб наступствах новых парушэнняў. «Мы сур'ёзна ставімся да інцыдэнту. Калі такі акт паўторыцца, Паўднёвая Карэя прыме значна больш жорсткія меры», — адзначыў ён.
23 ліпеня адзін з расійскіх самалётаў двойчы парушыў мяжу Паўднёвай Карэі. Карэйскія знішчальнікі выпусцілі агулам 20 сігнальных ракет і зрабілі каля 360 стрэлаў у бок парушальніка.
0
0
0
0
0
0
