19-гадовую брытанку ўзялі пад варту на Кіпры пасля таго, як яе абвінавацілі ў тым, што яна падала ў паліцыю ілжывую скаргу на згвалтаванне, піша Daily Mail.
Асоба жанчыны будзе раскрытая толькі ў тым выпадку, калі справа будзе перададзена ў суд, і яна будзе прызнаная вінаватай.
Брытанка сцвярджала, што ў пачатку гэтага месяца 12 ізраільцян згвалтавалі яе ў гасцінічным нумары на курорце Айя-Напа.
Усіх іх арыштавалі, але пяцёра былі вызваленыя ў чацвер пасля тэставання ДНК, а астатнія сем былі вызваленыя ў выхадныя пасля таго, як дзяўчына адмовілася ад сваіх паказанняў.
Сумневы ў яе гісторыі ўзніклі пасля таго, як адзін з падлеткаў, якіх яна абвінаваціла ў згвалтаванні, змог даказаць, што ён ляжаў у ложку са сваёй дзяўчынай, якая зрабіла сэлфі.
Трое з мужчын прызналіся, што сапраўды займаліся сэксам з брытанкай, і сказалі, што гэта было па ўзаемнай згодзе.
Жанчына напісала ілжывыя заявы аб згвалтаванні, таму што яна злавалася на некаторых ізраільцян, якія нібыта запісалі відэа пра тое, як яна займалася сэксам з некаторымі з іх па ўзаемнай згодзе.
