У сталіцы Татарстана Казані два чалавекі затрыманыя па падазрэнні ў падрыхтоўцы тэракта. Пра гэта паведамляе сайт tatar-inform.ru.
tatar-inform.ru
Абвінавачаныя 41-гадовы Руслан Шамшутдзінаў і 43-гадовы Ільшат Зайнагутдзінаў працавалі ў «Яндэкс.Таксі» ў Ніжнякамску.
Абодва адмовіліся прызнаць віну. «Я не разумею, чаму нас затрымалі. У нас па трое дзяцей, навошта нам гэтым наогул займацца?» — кажа Зайнагутдзінаў. А Шамшутдзінаў сцвярджае, што знойдзеную выбухоўку яму падкінулі.
ФСБ ж падазрае, што затрыманыя могуць быць звязаныя з тэрарыстычнай арганізацыяй «Ісламская дзяржава».
Расійскія ўлады пільна сочаць за сітуацыяй у Татарстане, дзе многія татары хацелі б большай аўтаноміі, а часам і незалежнасці.
0
0
0
0
0
0
