Што Вы ведаеце пра Вільню і яе беларускія мясціны? ТЭСТ

Што Вы ведаеце пра Вільню?

Вільня вабіць беларусаў культурнымі падзеямі, сезоннымі зніжкамі, архітэктурай, спадчынай. Ці добра Вы арыентуецеся ў яе гісторыі ды беларускіх мясцінах? Паспрабуйце прайсці наш тэст і тое-сёе прыгадаць. Пачнем з сівой даўніны...

Стартуем

Вялікі князь Гедымін, перш чым заснаваць Вільню, сасніў свой знакаміты сон на...

Туравай гары

Правільна.

Гары трох крыжоў

Не, на гэтай гары Гедымін, згодна з іншай легендай, распяў хрысціянскіх манахаў. А сон сніў на Туравай.

Акропаліскім узвышшы

Няма такога ў прыродзе. Варта падвучыць тапаграфію Крывіцкай Мэккі. Сон Гедыміну сніўся на Туравай гары.

Далей

Праверыць

Паказаць вынікі

Кумец, Круглец і Няжыла – гэта...

Кастрычнік, лістапад і снежань на мове старажытных ліцвінаў.

Не ўгадалі. Гэта паганскія імёны трох віленскіх пакутнікаў.

Імёны трох віленскіх пакутнікаў.

Так, гэта тры дружыннікі князя Альгерда, якія, згодна з легендай, прынялі хрысціянства і былі за гэта закатаваныя.

Раёны старажытнай Вільні.

Не, гэта паганскія імёны трох віленскіх пакутнікаў.

Далей

Праверыць

Паказаць вынікі

Назва вуліцы Дыджоі з літоўскай перакладаецца як...

Вуліца Дыджэяў.

Не, дыджэі ў старажытнасці называліся скамарохамі. Насамрэч – Вялікая.

Вялікая.

Бінга!

Дажджавая.

Беларуская і літоўская мовы, канечне, падобныя, але не настолькі. Вялікая.

Далей

Праверыць

Паказаць вынікі

Вялікі князь літоўскі Свідрыгайла, адзін з самых экспрэсіўных кіраўнікоў ВКЛ, у віленскай Катэдры...

...жаніўся.

Наўрад ці – Свідрыгайла быў жанаты двойчы, і ўсё на праваслаўных. Ён у Катэдры пахаваны.

...хрысціўся.

Не, хрысціўся Свідрыгайла ў Кракаве. А вось пахавалі князя ў падвалах Катэдры.

...пахаваны.

Так. Вялікага князя, які памёр на Валыні, пахавалі ў падвалах віленскай Катэдры, побач з стрыечным братам Вітаўтам і іншымі сваякамі.

Далей

Праверыць

Паказаць вынікі

Вуліца Завальная называецца так, бо...

…ішла за гарадскім валам.

Слушна. І цяпер Завальная-Піліма паўтарае выгіны гарадскіх муроў.

...там былі завалы – барыкады з дрэваў ад нападнікаў.

Ну што за неаліт – барыкады з дрэваў? У Вільні і валы былі, і равы, і муры каменныя. А Завальная – бо за валам ішла.

…на ёй жыў шляхціц Завальня.

Не, Завальня жыў над возерам Нешчардай, а Завальная – бо за валам.

Далей

Праверыць

Паказаць вынікі

Скарына ў Вільні ажаніўся. І жонка прынесла ў пасаг…

Карчму на Зарэччы

Не, карчмаром Скарына не стаў. Правільны адказ – дом на Рынку.

Дом у прэстыжным раёне.

Так, дом на віленскім Рынку, які жонка Скарыны атрымала ў спадчыну.

Вежу віленскага замка.

Не, гэта была дзяржаўная маёмасць. Жонка Скарыны Маргарыта прынесла ў пасаг дом на Рынку.

Далей

Праверыць

Паказаць вынікі

Кампазітар Станіслаў Манюшка жыў у Вільні на вуліцы...

Вялікая Пагулянка

Не, туды, у корчмы, кампазітар яўна заходзіў. А жыў ён на прэстыжнай Нямецкай вуліцы.

Нямецкай.

Так. А працаваў арганістам у касцёле Святога Яна – блізка яму было на працу хадзіць.

Савецкай.

Не было тады ў Вільні Савецкай. цяпер няма.

Далей

Праверыць

Паказаць вынікі

Любімая кавярня Янкі Купалы ў Вільні называлася...

Чырвоны Штраль.

Так. І менавіта ў ёй Купала рабіў прапанову Паўліне Мядзёлцы. Але не склалася.

Чорны абеліск.

Скажыце шчыра: вы б самі хадзілі ў кавярню з такой назвай? "Чырвоны штраль", канечне.

Розавы закат.

Кавярню Вы не ўгадалі, затое мы можам цяпер угадаць Ваш любімы гурт. А правільны адказ – Чырвоны штраль.

Далей

Праверыць

Паказаць вынікі

Беларуская гімназія ў пачатку ХХ стагоддзя месцілася ў Вільні...

На гары Гедыміна.

Далекавата забраліся. У Базылянскіх мурах на самой справе.

У Базылянскіх мурах.

Так! Там вучылася Арсеннева і Танк, там выкладаў Гарэцкі. Абавязкова наведайце гэтае месца.

На Панарах.

Вы што – там жа лес. У Базылянскіх мурах была гімназія.

Далей

Праверыць

Паказаць вынікі

Дзядзька ў Вільні з "Новай зямлі" Якуба Коласа шукаў...

Чырвоны Штраль.

Не, селянін па панскіх кавярнях не цягаўся. Шукаў Зямельны банк.

Музей братоў Луцкевічаў.

У апісаны час браты Луцкевічы яшчэ вучыліся ў школе. Дзядзька Антось шукаў Зямельны банк.

Зямельны банк.

Так, хацеў крэдыт на набыццё зямлі.

Далей

Праверыць

Паказаць вынікі

Нічога не ўгадалі.

Дык наведайце Вільню! Тым больш ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок

Слабавата...!

Варта асвяжыць уражанні. Тым больш ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок

Так сабе, калі шчыра...

даўнавата ў Вільні не былі, пэўна. А ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок

Вельмі няблага.

Узнагародзьце сябе паездкай у Вільню. Тым больш ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок

Амаль усё ўгадалі, выдатна!

У Вільні Вы будзеце як дома. Тым больш ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок

Супер! Вы ведаеце ўсё!

Не адмоўце сабе наведаць Вільню зноў. Тым больш ёсць нагода -- Loftas Fest'19 у Вільні 13--15 верасня. Да 15 жніўня дзейнічае зніжка на квіткі 20%.

Прайсці яшчэ разок