Гродзенская міліцыя шукае падазраванага ў здзяйсненні цяжкага злачынства, піша Hrodna.life.
Паводле версіі праваахоўнікаў, з 4 па 5 жніўня ён распіваў спіртное з сужыцелькай, завязалася сварка, і мужчына нанёс жанчыне шматлікія ўдары сякерай па галаве. Пасля гэтага выкапаў магілу ў чалавечы рост, але, відаць, зразумеў, што жанчына жывая, таму не стаў яе закопваць. Пацярпелай дапамаглі, а мужчыну пакуль што шукаюць.
Падазраваны — Зіноўчык Сяргей Мікалаевіч 1975 года нараджэння, на выгляд 40-45 гадоў, дзябёлы, валасы светлыя з сівізной, ёсць залысіны.
Апрануты: джемпер шэрага колеру, цёмна-сіні рукаў, з надпісам белага колеру фірмы «FILAA», паношаныя цёмныя джынсы, красоўкі чорнага колеру.
На правай кісці — татуіроўка з павуціннем.
0
0
0
0
0
0
