У Мінскай вобласці з пагоняй затрымалі п'янага кіроўцу квадрацыкла, паведамляе міліцыя.
11 жніўня каля 19.40 увагу супрацоўнікаў ДАІ прыцягнуў малады чалавек, які рухаўся па дарозе Калодзішчы-Заслаўе на квадрацыкле, што забаронена правіламі дарожнага руху.
Кіроўца праігнараваў патрабаванні спыніцца і працягнуў рух. У выніку пераследу яго затрымалі ў садовым таварыстве «Заценьская крыніца».
За рулём квадрацыкла знаходзіўся 33-гадовы жыхар Мінска. Медыцынскі агляд паказаў у яго 1,08 праміле алкаголю. На кіроўцу склалі адміністрацыйныя пратаколы, а квадрацыкл адправілі на штрафную стаянку.
0
0
0
0
0
0
