11 лютага адбудзецца візіт міністра замежных спраў Сяргея Мартынава ў Берлін.
Як паведамілі БелаПАН у прэс‑службе МЗС Германіі, у праграме візіту — сустрэча з кіраўніком германскага знешнепалітычнага ведамства Франкам‑Вальтэрам Штайнмаерам. Пасля яе заканчэння запланаваны падыход да прэсы. Парадак дня сустрэчы пакуль удакладняецца.
Вечарам С.Мартынаў выступіць у гатэлі «Адлон» з прамовай на англійскай мове на тэму «Дыялог ЕС — Беларусь: новыя перспектывы». Выступленне арганізавана пры падтрымцы германскіх палітолагаў Аляксандра Рара (Нямецкае таварыства знешняй палітыкі) і Райнера Лінднера (Усходні камітэт нямецкай эканомікі, Нямецка‑беларускае таварыства).
У МЗС Беларусі не каментуюць інфармацыю аб візіце міністра.
0
0
0
0
0
0
