Даследчыкі са Стэнфардскага ўніверсітэта стварылі гнуткую электронную налепку, якая можа адначасова ажыццяўляць беcправадны маніторынг пульсу, дыхання і мышачнай актыўнасці, паведамляе Science Alert.
Антэны, якія тут выкарыстоўваюцца, зроблены з металічных чарнілаў, нанесеных на гумавую налепку, якая можа згінацца і расцягвацца, як чалавечая скура. Па меры праходжання рухаў электрычны ток, які праходзіць праз гэтыя металічныя чарнілы, змяняецца, рэгіструючы дробныя вымярэнні.
Дакладныя бесправадныя вымярэнні затым перадаюцца ад налепкі на бліжэйшы гнуткі прыёмнік, прымацаваны да адзення чалавека. Пакуль што тэхналогія была прадэманстравана толькі на адным чалавеку, і сам прыёмнік усё яшчэ грувасткі і нязграбны.
Але каманда плануе ўдасканаліць свой дызайн. У будучыні яны спадзяюцца, што лекары змогуць выкарыстоўваць прыладу для адсочвання парушэнняў сну і сардэчных захворванняў у рэжыме рэальнага часу.
