У Перу навукоўцы выявілі самае буйное з усіх знойдзеных месцаў ахвярапрынашэнняў дзяцей: сама меней 227 ахвяр ва ўзросце ад 4 да 14 гадоў. Дзеці маглі быць забітыя падчас Эль-Ніньё. Гэта прыродная з'ява, ад якой залежылі рыбалка і ўраджаі мясцовых жыхароў, піша Daily Mail.

Галоўны археолаг Ферэн Касцілья сказаў, што дзеці ва ўзросце ад 4 да 14 гадоў былі прынесеныя ў ахвяру ў рытуале ў гонар багоў дакалумбавай культуры Чыму. Лічыцца, што іх, магчыма, забілі, каб паспрабаваць спыніць непагадзь.

Эль-Ніньё адбываецца нерэгулярна і не можа быць прадказана гэтак жа, як іншыя ўмовы надвор'я, такія як прылівы, што азначае, што яго з'яўленне можа выклікаць хаос для мясцовых жыхароў.

Усе шкілеты ляжалі тварам да мора, а ў некаторых усё яшчэ захоўваліся валасы і скура. Дзеці былі часткай цывілізацыі Чыму, якая знікла ў 1475 годзе пасля таго, як яе заваявала імперыя інкаў.

Хочаш падзяліцца важнай інфармацыяй ананімна і канфідэнцыйна?