Выканкам Нацыянальнага алімпійскага камітэта Беларусі зацвердзіў сёння спіс айчынных друкаваных СМІ для працы на XXI зімовых Алімпійскіх гульнях 2010 году, што пройдуць у канадскім Ванкуверы.
У іх лік увайшлі па адным пішучым журналісту (катэгорыя Е) ад інфармацыйнага агенцтва БЕЛТА, газетаў «Советская Белоруссия», «Рэспублiка» і «Спортивная панорама».
Апроч таго, БЕЛТА і «Прессбол» змогуць направіць на Гульні сваіх фотакарэспандэнтаў (катэгорыя Ер).
Таксама НАК вырашыў звярнуцца ў Міжнародны алімпійскі камітэт з просьбай выдзеліць дадатковыя квоты аднаго пішучага карэспандэнта для беларускамоўнай газеты «Звязда» і аднаго фотакара для «Советской Белоруссии».
Такім чынам, выканкам НАК, разгледзіўшы рэкамендацыю пастаяннай камісіі НАК, паседжанне, якой было ў студзені, зрабіў адну змену.
Месца фотакарэспандэнта «Спортивной панорамы» аддадзена «Прессболу».«У заяўцы «Прессбола» ёсць просьба аккрэдытаваць у якасці фотакарэспандэнта Вячаслава Федарэнкава, што мае досвед працы на зімовых Гульнях‑2006 у Турыне», — патлумачыў прэс‑сакратар НАК Пётр Рабухін.
Гэта пажаданне было выканана. Мяркуецца, што Вячаслаў Федарэнкаў, які з’яўляецца шэфам аддзела хакею, зможа выконваць функцыі як пішучага, так і фотажурналіста.
Тэлежурналісты атрымліваюць асобную аккрэдытацыю. XXI зімовыя Алімпійскія гульні пройдуць з 12 па 28 лютага 2010 года.
***
Нагадаем, што 30 студзеня камісія па СМІ Міністэрства спорту не задаволіла заяўку найбуйнейшай спартыўнай газеты краіны «Прессбол» на акрэдытацыю на зімовыя Алімпійскія гульні ў канадскім Ванкуверы. Гэтае рашэнне і павінен быў зацвердзіць выканкам Нацыянальнага алімпійскага камітэту.