Інцыдэнт здарыўся 7 верасня, каля 18.30. Мужчына гадоў 35 на выгляд ехаў з Мінска да станцыі Васілевічы. Як распавяла правадніца, у цягнік ён сядаў у нармальным стане. Але недалёка ад Асіповіч ён стаў паводзіць сябе не зусім адэкватна, пачаў рэзаць сабе запясця.
«Магчыма, напіўся, або дуры якой абкурыўся. Ці хворы, — выказала здагадку правадніца. — Мы ж не просім даведку прад'явіць аб стане здароўя, калі чалавек у цягнік садзіцца».
Мужчыну паспрабавалі супакоіць, аказалі першую дапамогу. Ён прасіў не выклікаць міліцыю. Але, калі цягнік ад'ехаў ад Асіповіч, ён сарваў з сябе бінты, і зноў стаў, па словах правадніцы, «буяніць».
Начальнік цягніка выклікаў на станцыю Бабруйск медыкаў і нарад міліцыі. Пасажыра знялі з цягніка пад канвоем і павезлі ў машыне хуткай дапамогі.
