Кампанiю падлеткаў у Круглым злавiлi на крадзяжы 20 мабiльных тэлефонаў i 10 фотакамер.
Тры вучнi Рубежскай сярэдняй школы, якiя жывуць у вёсцы Марцянавiчы, прыехалi ў Круглае i ажыццявiлi ў мясцовым унiвермагу сцэнар крадзяжу, неаднаразова ўвасоблены ў папулярных крымiнальных стужках.
16 лютага пасля закрыцця ўнiвермага падлеткi схавалiся ў падвале, а ўначы наведалi гандлёвыя пункты iндывiдуальных прадпрымальнiкаў, якiя арандуюць плошчы.
Яны забралi мабiльныя тэлефоны i фотакамеры i пад ранiцу схавалiся зноў. Але збегчы i змяшацца з натоўпам (як у кiно) школьнiкi не паспелi.
Крадзёж быў выяўлены, i мiлiцыя хутка затрымала аднаго з удзельнiкаў начных падзеяў у падвале, iншых — у гандлёвых памяшканнях. Старэйшы з кампанii вучыцца ў 9‑м класе — яму 17 гадоў, два iншыя — вучнi 6‑га класа.
0
0
0
0
0
0
