Топ-чыноўнікі рэдка даюць інтэрв'ю па-беларуску рускамоўным карэспандэнтам.
Прыемным выключэннем стала пасол Беларусі ў Аўстрыі Алена Купчына. Яна адказвала на пытанні журналісткі БТ Веранікі Бута па-беларуску.
Купчына расказала, што падчас візіту Аляксандра Лукашэнкі ў Вену запланавана падпісанне пагадненняў і дамоўленасцяў на 250 мільёнаў еўра. Яна мяркуе, што гэту паездку можна разглядаць як сведчанне новых адносінаў паміж Беларуссю і Еўрасаюзам.
***
Алена Купчына нарадзілася ў 1965 годзе ў Мінску. Скончыла юрыдычны факультэт БДУ (1987), кандыдат юрыдычных навук. Ад 1992 года — у Міністэрстве замежных справаў.
У 1995—1998 працавала ў прадстаўніцтве Беларусі пры ААН у Жэневе.
Ад 2006 да 2012 была паслом Беларусі ў Венгрыі.
У 2012—2016 — намесніца міністра замежных справаў.
З 2016 — пасол у Аўстрыі і Харватыі.
