Ратавальнікі дасталі з-пад абломкаў мужчыну, які загінуў падчас выбуху ў жылым доме ў пасёлку Якаўлева пад Белгарадам (РФ), паведамляе interfax.ru.
Ратавальнікі лічаць, што пад заваламі нікога больш няма.
Як паведамлялася, інфармацыя пра выбух бытавога газу паступіла ўвечары 3 снежня. Выбухам была разбурана сцяна пяціпавярховага дома.
Шпіталізаваныя шэсць чалавек. Іх стан ацэньваецца як стабільны, за выключэннем аднаго пацярпелага мужчыны, які знаходзіцца ў рэанімацыі.
На месцы разбуранага дома прыйдзецца будаваць новы.
Паводле інфармацыі мясцовых СМІ, прычынай здарэння мог стаць выбух газавага катла ў адной з кватэр на першым паверсе.
