4 снежня ў 2:24 на «101» паступіла паведамленне аб пажары ў дрэваапрацоўчым цэху па вуліцы акадэміка Паўлава ў горадзе Віцебску, паведамляе 112.by.
Пасля прыбыцця да месца выкліку падраздзяленняў МНС назіралася задымленне ў цэху, які належыць прыватнаму прадпрыемству ТДА «ПК-Квант», якое спецыялізуецца на вытворчасці паліўных гранул. Вартаўнічая ахова прадпрыемства ў начны час не арганізавана. У выніку пажару ніхто не пацярпеў.
Узгаранне ліквідавана ратавальнікамі. Агнём пашкоджаны дах цэха і 1 тона паліўных гранул.
Ёсць дзве магчымыя версіі ўзнікнення пажару — гэта парушэнне правілаў эксплуатацыі электрасетак і электраабсталявання або парушэнне правілаў эксплуатацыі печаў, цеплагенерыруючых агрэгатаў і прылад.
