Дзесяць чалавек былі забітыя ў выніку абстрэлу населенага пункта Тэль-Рыфаат сірыйскай правінцыі Алепа, паведамляе tass.ru.
Тэрарысты абстралялі спартыўны клуб на тэрыторыі горада. Агонь вёўся з 120-міліметровых мінамётаў з паўднёва-ўсходняй ускраіны населенага пункта Джыбрын. У выніку абстрэлу загінулі 10 мірных жыхароў (адзін мужчына, адна жанчына і восем дзяцей), яшчэ 13 чалавек атрымалі раненні, у тым ліку сем дзяцей, двое з якіх знаходзяцца ў цяжкім стане.
Учора, 3 снежня баевікі тэрарыстычнай арганізацыі «Джэбхат ан-Нусра» нанеслі ракетны ўдар па жылым доме ў населеным пункце Вадзіхі на поўдзень ад Алепа. Дом быў разбураны, загінуў шасцігадовы хлопчык, параненыя маці і двое братоў загінулага.
За суткі баевікі незаконных узброеных фарміраванняў у Сірыі здзейснілі абстрэлы 32 населеных пунктаў правінцый Алепа, Латакія, Хама і Ідліб.
