У ФІФА адрэагавалі на санкцыі ў дачыненні да Расеі, зацверджаныя выканаўчым камітэтам Сусветнага антыдопінгавага агенцтва, піша Спорт-Экспрэс.
«ФІФА прыняла да ведама рашэнне, прынятае сёння выканкамам ВАДА. ФІФА знаходзіцца ў кантакце з ВАДА і Асацыяцыяй міжнародных федэрацый алімпійскіх летніх відаў спорту, каб удакладніць дзеянне рашэння ў дачыненні да футбола», - гаворыцца ў паведамленні арганізацыі.
9 снежня выканкам ВАДА зацвердзіў рэкамендацыі камітэта па адпаведнасці і вызначыў санкцыі для Расіі за маніпуляцыі са звесткамі Маскоўскай антыдопінгавай лабараторыі.
У іх ліку — 4-гадовая забарона для Расіі на ўдзел у буйных міжнародных спаборніцтвах (у тым ліку Алімпійскія гульні і чэмпіянаты свету) і пазбаўленне права іх прымаць, на іх не можа падымацца сцяг РФ.
У прыватнасці, пад пытаннем удзел зборнай Расіі ў адборачным турніры да чэмпіянату свету па футболе — 2022.
За сістэматычны падман Расію на чатыры гады адхілілі ад Алімпіядаў і чэмпіянатаў свету
