На 15 тралейбусных і 12 аўтобусных маршрутах павялічаць інтэрвалы і пусцяць машыны меншай умяшчальнасці.
«Аптымізацыя маршрутнай сеткі» закране жыхароў усіх мінскіх спальных раёнаў, апроч Курасоўшчыны, а таксама славуты цэнтральны аўтобусны маршрут № 100.
Гэтак, у выходныя да 9-й ранку й пасьля 20-й увечары пад «аптымізацыю» трапяць тралейбусныя маршруты пад нумарамі
- 1 «„Маскоўскі“ аўтавакзал — Зялёны Луг-7»,
- 3 «Вакзал — Ангарская-3»,
- 15 «Маякоўскага — Дражня»,
- 21 «Масюкоўшчына — Рэспубліканскі цэнтр тэнісу»,
- 46 «Плошча Мяснікова — Зялёны Луг-7»,
- 52 «Малінаўка-4 — Кунцаўшчына»,
- 65 «Дружная — Малінаўка-4»,
- а таксама аўтобусны №125 «Захад-3 — Гандлёвы цэнтр „Ждановічы“».
У працоўныя дні ў няпікавы час плануюць зменшыць памеры руху на тралейбусных маршрутах пад нумарамі
- 5 «Вакзал — Маякоўскага»,
- 7 «Бабруйская — Сухарава»,
- 18 «Малінаўка-4 — Станцыя метро „Пушкінская“»,
- 20 «Вакзал — Серабранка»,
- 45 «Дружная — Паўднёвы Захад»,
- 48 «Сухарава — Кунцаўшчына»,
- 62 «Уручча-2 — Уручча-4»,
- 64 «Станцыя метро „Інстытут Культуры“ — Малінаўка-4»,
а таксама на аўтобусных маршрутах
- 3 «Вакзал — Чыжоўка»,
- 4 «Дружная — станцыя „Мінск-Паўднёвы“»,
- 17 «Сухарава-6 — Кунцаўшчына»,
- 42 «Сухарава-6 — Кунцаўшчына»,
- 50 «Дружная — Сухарава-6»,
- 52 «Вакзал — Лошыца-2»,
- 62 «Каліноўскага — Станцыя метро „Парк Чалюскінцаў“»,
- 95Д «Славінскага — Сцяпянка (Геалагічны завулак)»,
- 100 «Аэрапорт „Мінск-1“ — „Маскоўскі“ аўтавакзал»,
- 117 «Дружная — Малінаўка-4»,
- 142 «ДС „Возера“ — Платонава» (маршрут на час рамонту трамвайных каляін).
У «Сталічным транспарце й сувязі» агенцтву «Мінск-навіны» паведамілі, што ў студзені ды лютым на некаторых маршрутах пасажыраў стала троху менш, асабліва ў бок «Ждановічаў», і асабліва на маршрутках.
0
0
0
0
0
0
