3 сакавiка ўдзень на рацэ Сож у Слаўгарадзе адбылося здарэнне, якое ледзьве не скончылася трагедыяй.
Жыхар вёскi Дубна Слаўгарадскага раёна паспрабаваў на аўтамабiлi «Фальксваген‑Гольф» перасячы раку па лёдзе, якi ўжо падтаў.
У Магiлёўскiм абласным упраўленнi МНС паведамiлi, што 32‑гадовы мужчына вырашыў скарацiць шлях да дома. Ён пераехаў Сож, але завяз у снезе на iншым беразе. Тады вадзiцель вырашыў вярнуцца назад, i на сярэдзiне ракi аўтамабiль правалiўся пад лёд.
Мужчына паспеў выскачыць i ўратавацца. «Гольф» патануў, але яго выцягнулi службы МНС. Уладальнiку аўтамабiля давядзецца заплацiць за аперацыю па выратаваннi, якая доўжылася каля пяцi гадзiн, прыкладна 1 мiльён рублёў.
0
0
0
0
0
0
