Па справе аб забойстве жанчыны, чые парэшткі былі знойдзены ў Свіслачы, затрыманаму выстаўлена абвінавачванне, пра гэта паведамляе СК у сваім тэлеграм-канале.
Нагадаем, што супрацоўнікі камунальных службаў, якія праводзілі ачышчальныя работы ў рацэ Свіслач 2 студзеня знайшлі спартыўную сумку з чалавечымі парэшткамі.
Праз некалькі дзён у кватэры на вуліцы Раманаўская Слабада ў Мінску было знойдзена цела 37-гадовай жанчыны з пашкоджаннямі, якія паказвалі на сувязь яе гібелі і факту выяўлення сумкі ў Свіслачы. Следчы падчас агляду месца здарэння знайшоў прадметы, якія дазволілі ў самыя кароткія тэрміны ўстанавіць і пасля затрымаць падазраванага ў забойстве.
Следчымі прад'яўлена абвінавачанне 26-гадоваму мужчыну па ч. 1 арт. 139 (забойства) Крымінальнага кодэкса. Ён пад вартай. Канчатковая кваліфікацыя яго дзеянням будзе дадзена па выніках расследавання.
«Чулі, як крычала: «Ратуйце! Забіваюць!» Што вядома пра жанчыну, чые парэшткі знайшлі ў Свіслачы
З'явіўся запіс з камеры відэаназірання: падазраваны нясе сумку з парэшткамі забітай жанчыны ВІДЭА