Жыхарка Узды згубіла сумку з асабістымі рэчамі, але ў міліцыю заявіла, што на яе напалі і абрабавалі, паведамляе Следчы камітэт.
Заява аб рабаванні паступіла ў міліцыю напярэдадні навагодніх святаў. Жанчына расказала, што на яе напалі, калі яна вечарам вярталася дадому. Невядомыя нібыта выкралі яе сумку з грашыма і іншымі рэчамі.
Аднак высветлілася зусім іншае: сумку жанчына згубіла, калі ішла ноччу дадому са сваімі знаёмымі пасля распіцця спіртных напояў. З іх слоў, жанчына была п'яная і неаднаразова спатыкалася. Праўда, сваякам і следчаму яна распавяла іншую гісторыю.
У дачыненні да жанчыны распачата крымінальная справа па ч.1 арт.400 (заведама ілжывы данос аб здзяйсненні злачынства) Крымінальнага кодэкса.
Торбу пазней знайшлі ў двары.
0
0
0
0
0
0
