Сёння ў Мінску на сёмым паверсе гатэля DoubleTree by Hilton прайшоў незвычайны дыпламатычны прыём.
Незвычайны — таму што найчасцей прыёмы дае адна краіна, а запрашэнні на сённяшнюю імпрэзу мінскі бамонд атрымаў ад імені адразу двух дыпламатаў: пасла Польшчы Артура Міхальскага і часовага паверанага ў справах ЗША ў Беларусі Джэніфэр Мур.
Больш за тое, на прыёме прысутнічалі адразу два міністры замежных спраў: беларускі Уладзімір Макей і літоўскі Лінас Лінкявічус.
Аб'яднаў чатыры краіны ўраджэнец Беларусі, патрыёт Рэчы Паспалітай і герой вайны за незалежнасць ЗША Тадэвуш Банавентура Касцюшка.
Хоць дата не круглая — 274-я гадавіна з дня нараджэння, але атмасфера на прыёме была асаблівая, і гэта звязана з тымі пераменамі, якія адчуваюцца ў адносінах Беларусі і краін Захаду.
Прапануем вам трохі фотаў з прыёму. Здымаць карэспандэнтка «Нашай Нівы» магла толькі да афіцыйных прамоў, далейшая частка мерапрыемства была не для камер.
Ганна Канапацкая і Алена Анісім
Юрась Губарэвіч
Часовы павераны ў справах ЗША ў Беларусі Джэніфэр Мур, пасол Польшчы ў Беларусі Артур Міхальскі, міністры замежных спраў Літвы і Беларусі Лінас Лінкявічус і Уладзімір Макей.
Станіслаў Шушкевіч.
Рыгор Кастусёў і Аляксандр Класкоўскі.
