Фота Надзеі Бужан
Пра гэта паведаміў падчас круглага стала ў прэс-цэнтры БЕЛТА начальнік галоўнага ўпраўлення прафесійнай адукацыі Мінадукацыі Сяргей Каспяровіч.
Паводле яго слоў, па гэтым пытанні праведзены шэраг круглых сталоў, абмеркаванняў. «Першы варыянт, вынесены на абмеркаванне і разгляд, — пакінуць парогавыя значэнні на ўзроўні мінулага года, другі — павялічыць іх, трэці — зусім ануляваць. Пры гэтым ануляванне парогавых значэнняў ні ў якім разе не варта расцэньваць як адкрыты ўваход у сістэму вышэйшай адукацыі. Яно прадугледжвае толькі тое, што выключна конкурсная сітуацыя будзе вызначаць тых, хто паступіць», — распавёў Сяргей Каспяровіч.
У выніку з улікам тых рызык і пазітыўных момантаў, якія прысутнічаюць падчас рэалізацыі кожнага з гэтых варыянтаў, папярэдняе вырашылі захаваць парогавыя значэнні на ўзроўні мінулага года. «Пытанне прыёму закранае вялікую колькасць грамадзян. Таму любое дзеянне павінна быць асэнсаваным і сур'ёзна ўзважаным.
Гэтая аргументацыя якраз і легла ў аснову таго, што на цяперашні момант мы схіляемся да таго, каб захаваць парогавае значэнне на ўзроўні мінулага года», — адзначыў начальнік галоўнага упраўлення.
