Фота Волі Афіцэравай
Сёння экс-дэпутат Ганна Канапацкая падала заяўку на ўдзел у праймерыз па выбары адзінага кандыдата ад апазіцыі. Пра гэта TUT.BY паведаміў каардынатар кампаніі Ігар Барысаў.
Канапацкая стала пятым афіцыйным кандыдатам на «адзінага». Да яе заяўкі падалі сустаршыні БХД Павел Севярынец і Вольга Кавалькова, кіраўнік Руху «За Свабоду» Юрась Губарэвіч і кіраўнік АГП Мікалай Казлоў.
Заявілі пра жаданне ўдзельнічаць у праймерыз Аляксей Янукевіч і прадпрымальнік з Фаніпаля Уладзімір Усеня.
Прыём заявак на ўдзел у праймерыз заканчваецца сёння ўвечары. Канчатковы спіс прэтэндэнтаў плануюць абвясціць 4 сакавіка. Вызначацца з кандыдатурай адзінага да канца вясны.
0
0
0
0
0
0
