Палітычны аналітык Арцём Шрайбман распавёў у праграме «Ток» з Настассяй Роўдай, чаму ні першая, ні другая яго жонка не ўзялі яго прозвішча.
— Ты ажаніўся са сваёй другой жонкай Вікай Луд. Чаму ты жэнішся ў наш час, калі можна не жаніцца (гэта без наездаў, я толькі за)? Чаму для цябе гэта важна?
— Я ніколі не бачыў гэтаму перашкодаў, у мяне ніколі не было страху перад шлюбам, у мяне не было адчування, што я павінен зрабіць гэта толькі пасля 30 год. Можа быць, заклалася, што мае бацькі рана ажаніліся: я ў мамы нарадзіўся ў 20 год, напрыклад.
З першай жонкай мы даволі доўга былі ў адносінах — гэта быў лагічны крок. З Вікай мы нядоўга былі ў адносінах на момант шлюбу, менш за год. Але я разумеў, што з гэтым чалавекам стасункі будуць вельмі доўгімі, — я гэта бачыў, адчуваў, таму не бачыў сэнсу цягнуць. Тым больш тады я з’язджаў на вучобу ў Англію, па паперах лягчэй было аформіць адносіны, чым даказваць па фатаграфіях, рахунках з рэстарана ці яшчэ неяк, што вы ў стасунках. Я разумеў, што мы ўсё роўна да гэтага прыйдзем.
— Чаму ні першая, ні другая жонкі не ўзялі тваё прозвішча?
— Трэба ў іх спытаць.
Мой тып дзяўчат, жанчын — самастойныя, моцныя, упэўненыя ў сабе, амбіцыйныя. Такія жанчыны проста радзей схільныя браць прозвішча мужа. Мабыць, таму. Мяне проста цягне да моцных жанчын, хутчэй, чым да слабых.
Гэта ніколі не было маёй просьбай — «вазьмі маё прозвішча што б там ні было» — гэта ніколі не было пытаннем спрэчак, абмеркаванняў. Так захацелі.
Выпуск цалкам:
- 0:35 — калі сутыкаўся з антысемітызмам,
- 2:54 — што падабаецца і не падабаецца ў Ізраілі,
- 5:36 — ці адчувае сябе беларускім патрыётам,
- 5:48 — пра панты на факультэце міжнародных адносін БДУ,
- 8:55 — галоўная праблема беларускай адукацыі,
- 11:26 — чаму спачатку не ўзялі на Tut.by,
- 13:25 — хто навучыў журналістыцы,
- 15:05 — самацэнзура
- 16:57 — чаму не пісаў пра феномен Колі Лукашэнкі,
- 17:28 — чаму не закранае тэму жанчын у асяроддзі Лукашэнкі,
- 18:59 — як вербавалі ў КДБ,
- 20:30 — як рабіць палітычную аналітыку без інсайдаў,
- 23:47 — палітычная сітуацыя ў Беларусі,
- 27:59 — ці варта чакаць больш жорсткага дзяржаўнага кіравання,
- 29:22 — чаму ходзіць на выбары і за каго галасаваў у 2010-м,
- 33:04 — як ставіцца да Моладзевага блока,
- 35:21 — што можа разварушыць беларускую апазіцыю,
- 36:58 — хто самы моцны беларускі апазіцыйны палітык,
- 37:27 — хто, калі не Лукашэнка,
- 39:55 — калі і як сыдзе Лукашэнка,
- 41:39 — ці зменіцца штосьці ў палітычным плане ў бліжэйшыя пяць год,
- 42:20 — ці стане жанчына прэзідэнтам Беларусі,
- 43:28 — ці маюць Наталля Качанава і Наталля Эйсмант палітычную моц,
- 45:18 — пра першы шлюб,
- 48:13 — якія жанчыны падабаюцца,
- 49:01 — што думае пра феміністак і ці сам фемініст.