У Беларусі будуць унесены змены ў навучальны працэс устаноў вышэйшай адукацыі. У прыватнасці, з мэтай пазбягання масавага збору людзей рэкамендавана скарэктаваць лекцыйныя заняткі і выкарыстоўваць іншыя формы заняткаў, прадугледжаныя вучэбнымі планамі і праграмамі, у ліку якіх практыкумы, кансультацыі, лабараторныя, паведамляе Мінадукацыі ў сваім тэлеграм-канале.
Будзе абмежавана правядзенне навуковых і культурна-масавых мерапрыемстваў. Разам з тым, ва ўсіх установах адукацыі павінен быць арганізаваны нармальны навучальны працэс і прынятыя неабходныя санітарна-прафілактычныя меры, прадпісаныя органамі сан.-эпід. нагляду.
Пад асаблівым кантролем будуць знаходзіцца ўсе інтэрнаты: рэкамендавана абмежаваць доступ у іх старонніх, узмацніць супрацьэпідэмічныя мерапрыемствы.
Ва ўсіх установах адукацыі праводзіцца неабходная інфармацыйна-растлумачальная работа.
У выпадку найменшых праяў захворвання неабходна своечасова звярнуцца ў медыцынскую ўстанову або паведаміць пра гэта медыцынскаму работніку ўстановы адукацыі.