Следчыя высвятляюць абставіны забойства мужчыны ў Карэліцкім раёне, паведамляе Следчы камітэт.
Увечары 10 сакавіка ў бальніцу ў непрытомным стане з цялеснымі пашкоджаннямі даставілі жыхара адной з вёсак Карэліцкага раёна. Інфармацыю пра гэта медыкі перадалі ў міліцыю.
На месца здарэння выехала следча-аператыўная група.
Высветлілася, што ў той дзень паміж пацярпелым і яго братам узнік чарговы канфлікт. Перад сваркай яны пілі алкаголь. Брат схапіў нож і ўдарыў 30-гадовага мужчыну. Пацярпелы памёр у бальніцы.
32-гадоваму мужчыну выставілі абвінавачванне па ч. 1 арт. 139 (забойства) КК, яго дапыталі.
0
0
0
0
0
0
