Фота Мінаабароны.
Працягваецца падрыхтоўка да ваеннага параду да 75-й гадавіны Перамогі савецкага народа ў Вялікай Айчыннай вайне, які пройдзе 9 мая ў Мінску, паведамляе Мінабароны ў сваім тэлеграм-канале.
Плануецца, што парад пройдзе ўвечары і будзе доўжыцца каля гадзіны (праходжанне пешай і механізаванай калон, пралёт паветранага эшалона). Завершыцца парад пляц-канцэртам зводнай роты ганаровай варты і выступленнем зводнага аркестра.
Зараз удзельнікі параду трэніруюцца тройчы на тыдзень: пешая калона — на пляцы Мінскай ваеннай камендатуры, механізаваная калона — на аэрадроме «Ліпкі».
На 5 і 7 мая запланаваныя генеральныя трэніроўкі ў Мінску.
У складзе пешай калоны парада пройдуць 22 парадныя разлікі: 20 беларускіх і па адным — ад Расіі і Кітая.
У складзе механізаванай калоны ў парадзе прымуць удзел 18 парадных разлікаў: 16 ад Рэспублікі Беларусь, у тым ліку парадны разлік ад Дзяржаўнага ваенна-прамысловага камітэта, і 2 парадныя разлікі Расійскай Федэрацыі. Усяго — 185 адзінак тэхнікі.
Узначаліць калону танк Т-34, затым пройдуць 13 парадных разлікаў ад Узброеных Сіл Беларусі, у склад якіх уключаны толькі новыя і мадэрнізаваныя ўзоры ваеннай тэхнікі, парадны разлік лёгкабраняваных аўтамабіляў «Ліс» ад унутраных войскаў МУС, парадны разлік ад Дзяржаўнага ваенна-прамысловага камітэта, прадстаўлены дваццаццю сямю найноўшымі ўзорамі ўзбраення і ваеннай тэхнікі.
Ад Узброеных сіл Расіі плануецца ўдзел параднага разліку БТР-82А і параднага разліку аператыўна-тактычных ракетных комплексаў «Іскандэр». У складзе паветранага эшалона над горадам праляцяць 42 паветраныя судны: 34 ад Рэспублікі Беларусь і 8 ад Расійскай Федэрацыі.
