Супрацоўніцу дзіцячага садка №455 у Мінску шпіталізавалі. Інфармацыю пацвердзіла «Нашай Ніве» загадчыца садка Ганна Бурдун.
«Так, гэта праўда, супрацоўніца ў бальніцы, захварэла. Яна ўжо тыдзень на бальнічным. Аналіз паказаў каранавірус.
У групе, у якой працавала выхавацелька праводзяцца каранцінныя мерапрыемствы. Сёння прыязджалі, правялі дэзынфекцыю. Група на каранціне, супрацоўнікі гэтай групы на самаізаляцыі», — паведаміла загадчыца.
Астатнія выхавацелі працягваюць працу, садок функцыянуе ў звычайным рэжыме.
Дзе выхавацелька магла заразіцца, загадчыца не ведае.
0
0
0
0
0
0