Генеральным дырэктарам Нацыянальнага акадэмічнага тэатра імя Янкі Купалы стаў Павел Палякоў.
У панядзелак адбылося прадстаўленне новага кіраўніка тэатра калектыву, паведаміў карэспандэнту БЕЛТА першы намеснік міністра культуры Беларусі Уладзімір Рылатка.
Павел Палякоў прыйшоў у Купалаўскі з Беларускага рэспубліканскага тэатра юнага гледача, дзе таксама працаваў дырэктарам.
Народны артыст Беларусі Мікалай Кірычэнка, які ўзначальваў вядучую сцэну краіны, прадоўжыць працаваць у тэатры.
У студзені гэтага года мастацкім кіраўніком Купалаўскага стаў вядомы рэжысёр лаўрэат Дзяржаўнай прэміі Рэспублікі Беларусь Мікалай Пінігін, які змяніў на гэтай пасадзе народнага артыста Беларусі Валерыя Раеўскага.