У Віцебску памерла 41-гадовая медсястра абласной клінічнай бальніцы Надзея Фаміна. У яе была пнеўманія з пацверджаным каранавірусам. Пра гэта TUT.BY паведамілі калегі памерлага медработніка.
Надзея Фаміна працавала медсястрой у аддзяленні мікрахірургіі вока абласной клінічнай бальніцы.
— Надзеі Віктараўне быў 41 год. Захварэла яна даўно — яшчэ ў сакавіку. Паўтара тыдня знаходзілася на апараце штучнай вентыляцыі лёгкіх. У БХМД у яе два разы бралі мазкі на каранавірус. Вынік — станоўчы, — паведамілі калегі медсястры.
Медработнік памерла 16 красавіка ў рэанімацыі бальніцы хуткай медыцынскай дапамогі (БХМД).
— У яе засталася сястра, якая прыехала ў Віцебск з Масквы. Як Надзею хавалі, мы не ведаем. Сваячка нікога з калегаў на пахаванне не клікала, — падзяліліся работнікі абласной бальніцы.
Чытайце таксама: У Віцебску ад цяжкай пнеўманіі памерла 47-гадовая медсястра. Першая такая смерць медработніка
