Віктар Малішэўскі, вядомы па сваёй працы ў «Камсамольскай праўдзе» і «Еўрапейскім радыё», а таксама праз блог «Антыжурналіст», стаў дырэктарам дэпартамента камунікацый «Альфа-Банка».
У верасні 2018 года Віктар Малішэўскі стаў галоўным рэдактарам партала Officelife. Чаму ён вырашыў сысці адтуль?
«Мне здаецца, наша каманда, як і намагалася, зрабіла сайт b2b, з якаснай аўдыторыяй. Гэта быў добры выклік і вось атрымалася, — кажа Віктар Малішэўскі. —
А тут мне зрабілі прапанову ў твітары. І я спачатку падумаў, што гэта нехта жартуе. Ну і аджартаваўся: дзе я і дзе — банк! Потым падумаў, што сёння трэба разглядаць любыя прапановы па працы».
Што будзе ўваходзіць у ягоныя новыя абавязкі ў банку? «Дэпартамент камунікацыі — гэта знешнія і ўнутраныя стасункі банка. Альфачы, піяр, прэс-служба і іншае. Пакуль я толькі ўваходжу ў справы, але магу сказаць, што ніколі раней у мяне не была каманда, якая так саступае мне ва ўзросце. Таксама добры выклік. Але зараз і я іншы».
Ці будзе Малішэўскі і надалей пісаць у блог і ці будзе пісаць пра палітыку? «Вядома, я застаюся блогерам. Трэба разумець, што блог — гэта мае асабістыя думкі. Дарэчы, я тут працую ўжо два тыдні і пішу ў фэйсбук і твітар як раней. А калі ў нас з’явіцца палітыка, буду пісаць і пра палітыку таксама», — адказвае Віктар.
«Ні выйграў, ні прайграў, што таксама добра ў наш час. Але, здаецца, я набуду нейкія новыя скілы», — так журналіст адказаў на пытанне, ці больш выгаднае ў фінансавым плане ягонае новае месца працы.
