Прэзідэнт ЗША Дональд Трамп загадаў караблям ВМС ЗША знішчаць караблі Ірана ў выпадку канфлікту. Пра гэта кіраўнік дзяржавы напісаў у сябе ў твітары.
«Я праінструктаваў Ваенна-марскія сілы ЗША страляць на знішчэнне па любых іранскіх узброеных суднах, калі яны будуць пераследваць нашы судны на вадзе», — напісаў ён.
Як паведамляе агенцтва Reuters, тыднем раней 11 караблёў іранскага Корпуса вартавых ісламскай рэвалюцыі (КВІР) наблізіліся на небяспечную адлегласць да караблёў ЗША ў Персідскім заліве.
Раней 22 красавіка стала вядома, што КВІР запусціў першы іранскі ваенны спадарожнік. Папярэдняя спроба запуску правалілася. Касмічную праграму Ісламскай рэспублікі лічаць прыкрыццём для ракетных распрацовак, улады Ірана гэтыя абвінавачванні адмаўляюць.
