Паводле Сусветнай метрыкі па стане на раніцу 27 красавіка (8.00 па Мінску, на заходнім узбярэжжы ЗША і Канадзе 26 красавіка яшчэ не скончылася), у свеце зарэгістраваныя 2 млн 995 выпадкаў каранавіруса, памерлі 207 тысяч чалавек.
ЗША абсалютны лідар, там усяго зафіксавана 987 тысяч выпадкаў каранавіруса, а памерлі 55 400 чалавек, прычым у штаце Нью-Ёрк хворыя амаль 294 тысячы, а Нью-Джэрсі — 109 тысяч. Калі б штат Нью-Джэрсі быў асобнай краінай (а там жыве 20 мільёнаў), то гэта была б 8-я пазіцыя ў свеце. Вышэй толькі ЗША, Іспанія (226 тысяч), Італія (197 тысяч), Францыя (162 тысячы), Нямеччына (157), Вялікабрытанія (152,8), Турцыя (110 тысяч).
На нядзелю зафіксавана 73 858 новых выпадкаў (у суботу — 90 722).
За нядзелю зафіксавана 3751 смерць, але на выхадных выпадкаў заўсёды меней за кошт асаблівасці правядзення тэстаў.
