Чытачы «Нашай Нівы» заўважылі ў мінскім метро на станцыі «Плошча Леніна» цеплавізар, ён агароджаны стужкай.
Як мы высветлілі, пакуль што гэты цеплавізар у адзіным экзэмпляры і працуе тэстава.
Фота з закрытага чата тэлеграм-канала HARBACEVIČ
«Так, ён адзін, стаіць з боку выхаду з чыгуначнага вакзала. Пакуль што ён працуе ў рэжыме наладак, бо прапрацоўваюцца прававыя механізмы, якімі зможа кіравацца ахова метрапалітэна, калі прыбор выявіць чалавека з тэмпературай. Гэта ўзгадняецца са структурамі гарвыканкама, напэўна, на наступным тыдні ўжо будзе ясна, як гэта будзе далей працаваць», — патлумачылі нам у прэс-службе метрапалітэна.
0
0
0
0
0
0